Жазушы және өмір: шығармашылық кездесу

18 желтоқсан күні Абай кітапханасында «Абай жолы» кітапханасы жобасы аясында жарық көрген кітап авторлары Роза Мұқанова, Серікзат Дүйсенғазы, Дәулеткерей Кәпұлы сынды белгілі ақын,қаламгерлерлермен және ҚР Мәдениет және ақпарат министрлігінің өкілі Ербол Алшынбаймен Абай облысы кітапханашыларының рухани жүздесу кеші болып өтті.
Шара шымылдығын кітапхана директоры М.Қарт ашып, Абай облысы Мәдениет басқармасы басшысының орынбасары Толқын Берікбекова кеш қонақтарына ыстық лебізін жеткізе отырып, биыл асқаралы 60 жасқа толып отырған жазушы Р.Мұқанованы облыс әкімі Н.Т.Ұранхаевтың атынан құттықтап, алғыс хат табыстады.
Кеште С.Дүйсенғазы, Д.Кәпұлы, Е.Алшынбайлар жоба аясында өз ойын ортаға салып, туған жерге деген ыстық сезімдерін арнайы өлең жолдарымен жеткізсе, Р.Мұқанова жазушылықтың қыр-сырына тоқталып, қаламгерлік өмір жолдарынан сыр шертті. Кітап авторлары өмір мен өнерді ұштастыра отырып, жазушылар ортасындағы кең таралып кеткен әзіл-қалжыңдарды ортаға салып, елімізде кітапхана ісіне, кітапханашыларға құрметпен қарайтындықтарын жеткізді.Жүздесу кеші еркін форматта өтті.