Бәрі де сол қыз туралы… : портрет кеш
5 наурыз күні Абай кітапханасында 8- наурыз Халықаралық әйелдер күніне орай қазақстандық опера әншісі Бибігүл Төлегеноваға арналған «Бәрі де сол қыз туралы» тақырыбында портрет кеші өткізілді. Іс-шараға медицина университетінің студенттері қатысты.
Шара барысында 8-наурыз басқа елдерде қалай тойланатындығы жайында мәліметтер ұсынылып, негізгі тақырып қазақ халқының бұлбұлы – Бибігүл Төлегенова жайында қамтылды. Мәдениет руханиятының орталығы саналатын Семей қаласы жерлесіміз Б.Төлегенова есімін мақтан тұтады. Опера падишасына айналған Б.Төлегенова композитор Л.Хамидидің «Бұлбұл» туындысымен ерекше танымал. Кешке қатысушы шетелдік студенттер назарына аталмыш шығарма ұсынылып, көпшілік әншінің өмірбаяны мен өнер жолынан сыр шертетін «Бәрі де сол қыз туралы» тақырыбында слайд көрсетілімімен танысты.
Сондай-ақ, Б.Төлегенова жайында сыр шертетін кітапхана қорындағы кітаптардан кітап көрмесі жасақталып, қатысшулылар 8- наурыз мерекесіне ақжарма тілектерін жеткізіп, кітапхана атынан шағын сыйлықтар табысталды.
