Қазақ өнерінің ұлттық мақтаныштары: өлкетану оқуы

  • 06.02.2014

Абай атындағы әмбебап кітапханасының қызметкерлері 2014 жылдың 6 ақпанында Өскемен қаласындағы А.С. Пушкин атындағы облыстық кітапханасында өткен өлкетану оқуларына қатысып қайтты.

Шығыс Қазақстан облыстық Абай атындағы әмбебап кітапханасының қызметкері «Қазақ өнерінің ұлттық мақтаныштары» тақырыбында атақты әнші Б. Төлегенованың 85 жасқа толу мерейтойына орай әншінің шығармашылық өнер жолы жайында кеңінен айтылып, әншінің 1968 жылы Семей қаласының 250 жылдық мерейтойы кезінде туған қаласына келгендегі видеокөрсетілімі ұсынылды. Жазушы, сазгер, әнші Жәнібек Кәрменовтің туғанына 65 жыл толуына орай өмір жолы, орындаушылық шеберлігі жайында қызықты ақпараттар «Қазақтың мың әні» жинағынан әнші орындауында «Қайран жастық» әні арқылы тыңдалды.

1

Қазақтың скрипка өнерінің негізін қалаған тұңғыш скрипкашысы, Шыңғыстау өңірінің ерекше дарын иесі Әйткеш Толғанбаевтың 90 жыл толуына орай өмірі мен шығармашылығы жөніндегі деректер ешкімді бей-жай қалдырмады. Туған жердің айтулы тұлғалары туралы Абай атындағы әмбебап кітапхана қорының бай қорынан алынған мазмұнды ақпараттарды өскемендік қонақтар ризашылықпен тыңдады.