Адамзаттың бәрін сүй бауырым деп: дүниежүзілік поэзия фестивалі

9 тамыз күні Абай кітапханасында ұлы Абайдың 180 жылдығын тойлау аясында «Адамзаттың бәрін сүй бауырым деп» тақырыбында дүниежүзілік поэзия фестивалі болып өтті. Фестиваль Халықаралық TÜRKSOY ұйымының және Михай Эминеску атындағы Халықаралық поэзия академиясының қолдауымен ұйымдастырылды. Қонақтарды арнайы жасақталған «Абай және кітапхана» тақырыбындағы әдеби экспозиция қарсы алды.
Шара шымылдығын Абай облысы әкімі аппараты басшысының орынбасары Ербол Алшынбай ашып, ақын туралы жүрекжарды лебізін халыққа жеткізсе, Қырғызстанның халық жазушысы, ТҮРКСОЙ-дың Бас хатшысы Сұлтан Раев сөз алып, екі ел достығына тоқталып, ұлы Абайдың күллі әлемге ортақтығына жайында сөз қозғады.
Екі бөлімнен тұратын дүбірлі дүниежүзілік поэзия фестиваліне АҚШ-тың белгілі ақыны Виллиям Волак Стефан, , Италиялық ақын, аудармашы Гаэтано Лонго, Конго Республикасынан ақын, прозашы, Нобель сыйлығының үміткері Кама Сивор Каманда, Әзербайжан Жазушылар одағы төрағасының бірінші орынбасары Салимов Салим Баббуллаоглы, Қырғызстан Жазушылар одағының төрағасы Иманалиев Қаныбек, қырғыз ақыны Тыллабаев Омарбек, Қырғызстан Халық жазушысы Бакиров Қарбалас, Өзбекстанның Халық жазушысы Азимов Усмонкул, Түркия Жазушылар одағы төрағасы, Анкара университетінің ректоры Мұса Қазым Арыжан, неміс ақыны Карстен Штейнметц, Үндістандық ақын Решма Рамен, Түркия жазушылар одағының Төрағасы Каhраман Мұрат, Қырғызстандық ақын Сарығұлова Бурулқан, Румыниялық ақын Каталин Бордеану және сондай-ақ, ҚР Мемлекеттік сыйлығының иегерлері Ұлықбек Есдәулет, Светқали Нұржан, Серік Ақсұңқарұлы, Ғалым Жайлыбай, Бақыт Беделхан, Ақберен Елгезек, Әділғазы Қайырбеков, Оңайгүл Тұржан, Мейірхан Ақдәулет, Әсем Ережеқызы, «Парасат ордені», Қазақстан Республикасының еңбек сіңірген қайраткері Ханбибі Есенқарақызы, Қазақстанның еңбек сіңірген қайраткері, «Құрмет» орденінің иегері Ақұштап Бақтыгереева, Тыныштықбек Әбдікәкімұлы сынды отандық әдебиеттің көшбасындағы сөз өнерінің саңлақтары да рухани мерекеге ат салысты.
Шараға келушілерге Ж.Тәжиев Абайдың әні «Ата-анаға көз қуаныш» атты әнді тарту етті.
Шара аясында Ион Диаконескудің «Ол құс – Мен» романы (қазақ тілінде), Ұлықбек Есдәулеттің «Ақыннан сағат сұрама» атты румын тіліндегі кітабының, Сауытбек Абдрахмановтың «Алып Абай» кітабының (қазақ тілінде) тұсаукесері өткізілді.
Кітап тұсаукесерлерін алыс жақын шетелден келген қонақтар мен қазақстандық танымал ақындар кесті.
Италиялық, ақын Гаэтано Лонго (Gaetano Longo) Абайдың «Көзімнің қарасы» әнін, Америкалық Уильям Волак (АҚШ) «Желсіз түнде жарық ай» туындыларын әлем тілдерінде орындады.
Шараға қала тұрғындары мен қонақтары мен зиялы қауым өкілдері, алыс жақын шетелдік ақындар және оқырмандар қатысты.
Ұлы ақынға арналған ауқымды шара тамыз айының 11 жұлдызы күні Этноауылда өз жалғасын таппақ.