Ауғанстан – менің тарихым: онлайн кездесу

  • 11.02.2014

11 ақпан күні сағ. 12:00-де біздің кітапхана Бородулиха аудандық кітапханасымен «Ауғанстан – менің тарихым» атты Бородулиха ауданында тұратын интернационалист жауынгер Асанов Ержан Рымханұлымен онлайн кездесу өткізді.

_SAM7555Кездесу кеңес әскерлерінің Ауғанстан жерінен шығарылғанына 25 жыл толуына арналды. Асанов Ержан Рымханұлы сол кезде қатерге бел буып, батырлық пен қайсарлықтың үлгісін көрсетіп, қаһармандық танытқандығын оқырмандар мен жастарға айтып, өз естеліктерімен бөлісті, жастарға соғыссыз өмір, бақытты болашақ тіледі.

Аудандық ардагерлер алқасының төрағасы Байжанов Орал Усманұлы және облыстық жастар жөніндегі департаменттің жетекшісі Жасұлан Бірлікұлы Сарсебаев интернационалдық борышын өтеген ауған жауынгерлерінің рөлі мен өскелең ұрпаққа патриоттық тәрбие беру туралы өз ойларын ортаға салды.

Шараға Бородулиха ауданындағы №23 колледждің оқытушылары мен студенттері және мектеп оқушылары (40 адам.) Семей қаласындағы Жастар колледжі, бизнес және құқық колледжінің студенттері (25 адам.) қатысты. Шараның мақсаты: Кеңес әскерінің Ауған жерінен шығарылғанына 25 жыл толуына орай, Тәуелсіздік жолында күрескен аға-апаларымыздың ерлігін, кейінгі ұрпаққа үлгі ете отырып, жастарды ұлтжандылыққа, Отан сүюге тәрбиелеу.