Хогвартс кубогының құпиясы: квест
25 қыркүйек күні Абай кітапханасында «KitapTime – 2025» IV республикалық фестивалі аясында «Хогвартс кубогының сыры» тақырыбында квест ойыны ұйымдастырылып, Гарри Поттер әлеміне саяхат жасалды. Аталған шараға М. О. Әуезов атындағы педагогикалық колледжінің МНО 23-09 тобының студенттері белсене қатысып, өз білімдері мен шығармашылық қабілеттерін көрсетті.
Сайыс үш кезеңнен тұрды. Қатысушылар екі топқа бөлініп, әр кезеңде түрлі логикалық тапсырмалар мен қызықты жұмбақтарды шешті. Сонымен қатар, Гарри Поттер әлеміне қатысты сұрақтарға жауап беріп, ой ұшқырлығы мен топтық бірліктерін танытты.
Шара соңында жеңімпаздар арнайы сыйлықтармен марапатталып, барлық қатысушыларға алғыс хаттар табысталды. Фестиваль жастардың кітап оқуға деген қызығушылығын арттырып қана қоймай, олардың қиялын дамытып, шығармашылық әлеуетін ашуға зор мүмкіндік берді.
