Тілдің терең сыры: кітап көрмесі

30 қыркүйек күні Абай кітапханасы орыс әлеуметтік-мәдени орталығымен бірлесе отырып, Қазақстан халқы тілдері күніне, Қазақстан халқы Ассамблеясының 30 жылдығына және Семей қаласының күніне орай «Тілдің терең сыры» атты интеллектуалды ойын өткізді. Іс-шараға Н. Чернышевский атындағы №1 мектеп, №12, №28, №43 орта мектеп оқушылары қатысты.
Шара аясында кітапхана қорынан арнайы кітап көрмесі ұйымдастырылды. Онда Қазақстан халқының тарихы мен мәдениеті, тіл мәселелері және Семей қаласының өткені туралы құнды еңбектер ұсынылды. Атап айтқанда, «Народ Казахстана: история и современность», «Мен – Қазақстан азаматымын», «20 лет АНК: одна страна – одна судьба», «Казахский язык», «Современный русский язык», «Тюркология», сондай-ақ өлкетанушы В. Кашляктың «Семипалатинские арабески», «Семипалатинск: их именами названы» және басқа да басылымдар көрермен назарына ұсынылды.