Шәкәрім Құдайбердіұлының «Еңлік Кебек» поэмасы: оқырмандар конференциясы

Абай атындағы облыстық әмбебеп кітапханасында 16 қазан күні философ, ақын, жазушы, композитор Шәкәрім Құдайбердіұлының «Еңлік – Кебек» поэмасы тақырыбында оқырмандар конференциясы өтті.
«Еңлік – Кебек» поэмасы жалпыұлттық сауалнама нәтижесінде отандық әдебиеттің үздік 100 шығармасының қатарына енген.
Оқырмандар конференциясына қаламыздағы М.О. Әуезов атындағы педагогикалық колледжінің БББ – 24-09-02 тобының 2 курс студенттері мен ұстаз Мавлитаева Гүлназ Айтқалиқызы қатысты.
Шара қонақтарына «Сахараның дана ойшылы» тақырыбында кітап көрмесі ұйымдастырылып, осы тақырыпта бейнесюжет көрсетілді. Көрмеге мерзімді басылым беттеріндегі Ш. Құдайбердіұлының әр жылдары баспа көрген кітаптары, тағдырлы өмірі, әндері мен поэмалары және ол туралы қалам тербеген шәкәрімтанушы ғалымдардың еңбектері қойылған.
Іс-шара барысында аталған колледж студенттері Хамит Инабат және Набидулла Еркеназ Шәкәрім Құдайбердіұлының «Еңлік – Кебек» поэмасындағы ұлттық болмыс пен трагедиялық махаббат тақырыбында баяндама жасап, слайд көрсетті. Баяндамада студенттер ізгілік пен зұлымдық арасындағы мәңгілік тартысты көркем тілмен, әсерлі жеткізді.
Студенттер поэмадағы адам тағдыры, бір-біріне ғашық болған жастардың адал махаббат жолындағы күресі, поэманың көтерген мәселесі, қос ғашықтың трагедиясы сынды шығарма желісі бойынша сұрақтарға жауап беріп, пікірлерін ортаға салды. Сол кездегі ру арасындағы талас-тартыс, кісі бойындағы достық, махаббат, ақыл-парасат жайлы ой толғанды.
Конференция соңында Абай кітапханасы атынан студенттер мен оқытушыларды белсенділік танытқандары үшін мақтау қағаздармен марапаттады.