Ұлттық диктант

Абай кітапханасында мемлекеттік тілдің мәртебесін арттыруға, азаматтардың жазу сауаттылығын жетілдіруге, ұлттық бірегейлік пен тілдік мәдениетті нығайтуға бағытталған жалпы республикалық мәдени- ағартушылық «Ұлттық диктант» жобасы аясында кітапхана ұжымы арасында диктант алынды.
Диктант мәтіні ана тілін еркін меңгергендер үшін 123 сөзден тұратын, 1913 жылы «Қазақ» газетінде жарық көрген, ұлт көсемі Ахмет Байтұсынұлының «Оқу жайы» атты мақаласынан үзінді, ал екінші тіл ретінде меңгергендер үшін 98 сөзден тұратын «Отан» тақырыбында диктант ұсынылды. Диктан жазу барысында берілген мәтін тыңдаушылар назарына оқылып, шара соңында диктант мәтіні LED экраннан көрсетіліп, әркім өз қатесімен жұмыс жасады.
Бұл мәдени-ағартушылық жоба — мемлекеттік тілдің мәртебесін арттыруға, жазу сауаттылығын жетілдіруге және ұлттық бірегейлікті нығайтуға бағытталған.
Негізгі мақсат – мемлекеттік тілде сауатты жазу дағдысын қалыптастыру және оны кеңінен насихаттау.
Бұл бастама – сауатты жазудың білім көрсеткіші ғана емес, азаматтық жауапкершілік пен тілге деген құрметтің белгісі екенін айғақтайды.
Ұлттық диктант жазуға қырыққа жуық адам қатысты.