Менің Қазақстаным: поэзия кеші

  • 19.11.2025

19 қараша күні Абай кітапханасында «Бір ел- бір кітап» 2025 республикалық акциясы аясында қазақ ақыны, жазушы, аудармашы, ҚР Мемлекеттік сыйлығының лауреаты, ҚР Мемлекеттік Әнұранының авторы Жұмекен Нәжімеденовке арналған «Менің Қазақстаным» атты поэзия кеші өтті. Биыл Ж.Нәжімеденовтің туғанына 90 жыл. Шараға М.Төлебаев атындағы музыка колледжінің, «Семей» медицина колледжінің студенттері, сондай-ақ кітапхана оқырмандары мен пайдаланушылары қатысты.
Поэзия кеші ҚР Мемлекеттік Әнұранын орындаумен ашылды. Шара барысында кітапхана қызметкері Ж. Нәжімеденовтің өмірі мен шығармашылығы туралы айтып, ақын өміріндегі ең қызықты фактілерге тоқталды. Әңгіме ақынның фотосуреттері бар слайдтармен көркемделді.
Экраннан 1956 жылы сөзін жас ақын Ж. Нәжімеденов, әнін Ш. Қалдаяқов жазған «Менің Қазақстаным» әні алғаш рет халық әртісі Жамал Омарованың орындауында тыңдалды. Іс-шара барысында «Қазақ жырының тұңғиығы» атты кітап көрмесіне шолу жасалды. Көрмеде басылым беттерінде жарық көрген ақынның шығармалары, оның өмірі мен шығармашылығы туралы материалдар қойылды. Олардың қатарында ақынның көзі тірісінде жарық көрген шығармалар жинағы («Ұлым, саған айтам» (1970), «Кішкентай» (1975), «Данк пен дақпырт» (1977), «Шуақ» (1980), «Темірқазық» (1982), «Мое рождение» (1982)), шығармалар, 1983 жылы қайтыс болғаннан кейін басылған («Қыран-қия» (1984), «Менің топырағым» (1985), «Менің Қазақстаным» (2008), «Таңдамалы шығармалары» (2025) және т. б.) кітап және мерзімді басылымдар қойылды.
Кітапхана қорында сақталған 1955 жылғы «Лениншіл жас» газетінің 111-ші санында жарияланған жас ақын Ж. Нәжімеденовтің «Шахтаға мен де барамын» атты алғашқы өлеңі, сондай-ақ Ж. Нәжімеденовтің шығармашылығы мен «Менің Қазақстаным» әнінің тағдыр тарихын зерттеген М. Азбанбаевтың «Менің Қазақстаным – Жұмекен» кітабы студенттердің ерекше қызығушылығын тудырды.
М. Төлебаев атындағы музыкалық колледжі мен «Семей» медицина колледжінің студнттері ақынның «Кітапханада», «Ана», «Арнау» және т. б. өлеңдерін оқыды. Іс-шара «Жазушыны тап» зияткерлік ойынымен аяқталды.