Б. Жандарбеков Сақтар: әдеби сағат

21 қараша күні Абай кітапханасының қызметкерлері Семей қаласының Жоғары гуманитарлық-заң және техника колледжінің студенттеріне Болат Жандарбековтың «Сақтар» дилогиясына арналған әдеби сағат өткізді. Шара «100 кітап» ұлттық сауалнамасының қорытындысы аясында ұйымдастырылды.
Аталмыш романда «Томирис» және «Шырақ туралы аңыз» атты екі тарихи шығарма бар. Дилогияда сипатталған оқиғаларды ежелгі тарихшылар Геродот және Ктесия баяндаған.
Іс – шара барысында студенттер Б.Жандарбековтың шығармашылық жолымен, өмірбаянымен танысып, жазушының таланты оның «Сақтар» дилогиясында көрініс тапқанына тоқталды. Сонымен қатар, қатысушылар парсылардың сақтарға қарсы екінші жорығына негізделген «Шырақ туралы аңыз» романының қысқаша мазмұнымен де танысты.
Шара соңында студенттер Б.Жандарбековтың романы бойынша түсірілген қазақстандық «Томирис» фильмінің трейлерін тамашалап, өзара пікір алмасты.