Көркем әдебиеттегі әйгілі тұлғалар: әдеби сағат
10 желтоқсан күні Абай кітапханасының Шетел әдебиеті бөлімінің маманы Семей қаласының №6 мектеп-гимназиясының 9-сынып оқушыларына «Көркем әдебиеттегі танымал тұлғалар» атты әдеби сағат өткізді. Іс-шара қазақ әдебиетінің классиктері М.Әуезов, І.Есенберлин, С.Мұқанов, О.Сүлейменов және Б.Момышұлының шығармашылығына арналды.
Шара барысында оқушылар қазақ жазушыларының өмірбаянымен және шығармашылығымен танысты. Оқушыларға М.Әуезов пен Б.Момышұлының өмірбаяндарына арналған презентациялар дайындалды. Презентацияларды тамашалағаннан кейін қатысушылар портреттер сайысына қатысып, жазушыларды бейнелері арқылы тапты. Ал «Кітапты тап» сайысында оқушылар авторды және оның кітаптарын анықтады.
Әдеби сағат аясында белгілі қаламгерлердің шығармашылығына арналған көрме жасақталды. Көрмеге С.Мұқановтың «Өмір мектебі» мен «Жарқыраған метеор» шығармалары, М.Әуезовтың «Абай жолы», О.Сүлейменовтың «Аз и Я» мен «Саз кітабы», Б. Момышұлының «Ұшқан ұя» және басқа да көркем шығармалары қойылды.
