Жәнібек салған әндер: әдеби – сазды еске алу кеші

  • 26.02.2014

Абай атындағы кітапханада 2014 жылдың 26 ақпан күні Жәнібек Кәрменовтің туғанына 65 жыл толуына орай «Жәнібек салған әндер» атты әдеби – сазды еске алу кеші өткізілді.

Қазақтың дәстүрлі ән өнерін дәріптеуші, әнші, жазушы Жәнібек Кәрменовтың өмірі мен шығармашылығы жайлы кітаптар мен мерзімді басылымдар бетерінде жарияланған мақалалар мен мәліметтерді оқырмандар назарына ұсыну мақсатындағы ұйымдастырылған шара «Өнер өлкесінде» сазды қонақжай клубы аясында өткізілді. Кеште әншінің замандас достары мен байырғы тележурналист Мұрат Алин, журналист – жазушы Дәулет Сейсенұлы, тележурналист «Шәкәрім» орталығының қызметкері Мақсат Жарылғасин Жәнібек Кәрменов өмірінен қызықты естеліктерді шараға қатысушы Байланыс колледжінің 1-ші курс студенттеріне әңгімелеп берді.

27baa

Шара барысында Ж.Кәрменовтың көзі тірісінде түсірілген 2 бөлімді деректі фильм назарға ұсынылып, филармонияның әншісі Г.Еруованың орындауында бірнеше ән тыңдалды. Кеш соңында «Ән еркесі – Жәнібек» атты кітап көрмесіне шолу жасалды.