Қазақ қыздарына қайран қалам: әдеби сағат

  • 04.03.2014

Абай атындағы кітапханада 2014 жылдың 4 наурыз күні 8-наурыз мерекесіне орай «Қазақ қыздарына қайран қалам» атты әдеби сағат өткізілді.

Әдеби сағатта қазақ қыздарының тарихта алған орны мен олардың өмір жолдары туралы мағлұматтар берілді. Қазақтың әйгілі әйел-ана есімдері жайлы кітаптар мен мерзімді басылым беттерінде жарияланған мақалалар оқырмандар назарына ұсынылды.

03a

Мәдени шараға қатысқан қаламыздағы спорт колледжінің студенттері Д.Т.Мұкышев, А.Кенжеғожина өз қаламдарынан туған аналарға, қыздарға арнау өлеңдерін оқыса, медициналық колледж студенті Г.Әлімбекованың «Ана» туралы әнін нақышына келтіре орындады. Шараның өту барысында оқырмандарға «Ұлы даланың Ұлы қыздары» кітап көрмесі мен «Аналар- асыл жандар» атты слайд көрсетілді.