Хош келдің берекелі Әз Наурыз!

Абай атындағы кітапханада 2014 жылдың 19 наурыз күні Ұлыстың ұлы күні Наурыз- жылдың басы, күн мен түннің теңелер шағында «Хош келдің берекелі Әз Наурыз!» тақырыбымен Наурыз мейрамы өткізілді.

Мерекелі де берекелі Наурыз мейрамын Абай атындағы кітапханада Еураз –шоу ән-би театрымен және қалалық Достық үйімен бірлесіп ұйымдастырылды.Тамырын тереңнен тартқан осынау мейрам-береке мен бірліктің, тазалық пен татулықтың тұғырын нығайтып, риясыз шаттық пен қуанышқа кенелер ұлы мереке. Көктің тынысын тыңдап, жердің тамырын басқан, тұрмыс тіршілігін табиғат анамен тығыз байланыстырған халқымыз Наурызды жаңару мен жасампаздықтың бастауы, ырыс пен берекенің арқауы деп бағалаған.

Мерекені Еураз –шоу ән-би театры «Өр Алтай» музыкалық прологымен «алтын адам», «Қыдыр ата», «бүркіт», «күн» кейіпкерлерін сомдап, театр артистерінің орындауында «Туған жер», «Қазақ осы», «Беу айпай» және т.б. өлеңдерімен «Қара жорға», «Алқа қотан биі», «Өзбек биі» билері қатысушы қонақтарыд тәнті етті. Мәдени шара барысында Наурыз мейрамына кітапхана қызметкерлері тарихи шолу жасап, ұлттық қолөнер бұйымдарынан дайындалған көрме ұйымдастырылды. Мереке Достық үйінен «Айша бибі», «Ахау Семей», орыс, өзбек, татар және неміс әлеуметтік мәдени орталықтарының құттықтау ән- шашуларымен жалғасты. Мейрамға Наурыз дастарханы жайылып, наурыз көже мен қазақтың ұлттық дәмдері шақырылған қонақтарға ұсынылыды. Наурыз мейрамына кітапхана ардагерлері, зиялы қауым өкілдері, қалалық оқу орындарының ұстаздары мен студенттері, БАҚ өкілдері, мәдени орталықтар мен кітапхана оқырмандары шақырылды. Мереке соңында кітапхана директоры А.Ә.Шаймарданова мерекенің жоғарғы деңгейде өтуіне өз үлестерін қосқан мекемелер мен орталықтарға алғыс хаттар табыстады.