Ұлттық поэзия айы – National Poetry Month: суретті көрме
2014 жылы 8 сәуір күні Шығыс Қазақстан облыстық Абай атындағы кітапханасы шетел әдебиеттер бөлімі қызметкерлері Америка бұрышы аясында «Ұлттық поэзия айы – National Poetry Month»: суретті көрме ұйымдастырды.
Көрмеге Америка, Ұлыбритания, Ресей елінің және Қазақстанның танымал ақын жазушылары суреттерімен қоса шығармашылықтары қойылды. Аталмыш көрмеге қатысушы кітапхана пайдаланушылары әрбір елдің ақындарымен таныса отырып, шығармашылықтарына қызығушылық танытты. Бөлім қызметкерлері бұл мейрамның Америка елінен бастау алатындығына тоқталып, 1996 жылы Америка ақындарының академиясы АҚШ поэзиясының бағасын, мәнін жоғарылату мақсатында арнайы күн ретінде атап өту керектігі жөнінде шешім шығарғандығы туралы айта келе, 1999 жылдан ауқымды түрде тойланатындығын жеткізді. Іс-шараға қатысушылар ақындарға деген Америка елінің құрметіне тәнті бола отырып, осындай мейрамдар әр елде көптеп болса деген ойлар қозғады.