Туған ел, өскен өлкемді жырлаймын: онлайн-кездесу

2014 жылы 10 сәуір күні Шығыс Қазақстан облыстық Абай атындағы кітапханасы Бесқарағай аудандық кітапханасымен бірлесіп «Туған ел, өскен өлкемді жырлаймын» атты онлайн-кездесу өткізді.

Шараның мақсаты: Жергілікті ақындардың өмірі және шығармашылығымен кеңінен таныса отырып, студент жастардың туған елге, туған жерге деген сүйіспеншілігін, патриоттық сезімін ояту. Шараға Бесқарағай ауданының ақындары: Ақанова Рысжан, Жұмағазина Ғазиза, Құмарханова Айнұр қатысып, қаламдарынан туған туындыларын оқып, өз шығармашылығы аясында студент жастармен пікір алмасты. Онлайн-кездесуге Бесқарағайлық ақындармен танысуға Шәкәрім атындағы Семей мемлекеттік университетенің қазақ филология факультетінің 1 курс студенттері ат салысты. Кездесу соңында университет студенті жас ақын Мұхаметрахимов Рустем бесқарағайлықтарға тілегін айтып, өз жырынан шашу шашты. Онлайн-кездесу қызықты, әрі тартымды өтті.