Әлемді кітаппен бірге ашамыз: библиодесант
2014 жылы 16 сәуірде Абай атындағы кітапхана қызметкерлері «23 сәуір – Бүкіләлемдік кітап және автор құқығын қорғау күніне» орай қалалық Орталық саябақ алаңында және «Шәкәрім» кітаптар үйі» дүкені алдында «Әлемді кітаппен бірге ашамыз!» атты библиодесант ұйымдастырды.
Шараның мақсаты: Кітапхана қорына келіп түскен жаңа көркем әдебиеттер туралы мағлұматтар бере отырып кітап және оқу мәдениетін арттыру және кітапханаға жаңа оқырмандар тарту. Библиодесанттың өтуі барысында саябақ демалушыларымен кітап туралы сұхбат өткізе отырып, оларға «Жаңа кітаптар Сіздерді күтеді», «Кітап – ізгілік пен руханилық айнасы» атты буклеттер, бетбелгілер мен шорт-парақтар таратылды. Шара барысында Семей қаржы экономикалық колледж студенттері Қожатаева Мадина, Уакпаева Әділет, Қазақ Инновациялық Заң университетінің студенті Қажығалиев Серік оқыған кітаптары туралы ойларын сала отырып, келешекте осы кітапхана оқырманы болуға ниеттерін білдірді.