Америкалық қонақтар кітапханада: кездесу
2014 жылдың 17 сәуір күні Абай атындағы кітапхананың Америка бұрышы аясында Америка елінің азаматтары ғылыми қызметкер – Бетте Хайли мен энергетика саласының маманы- Ник Кавеллеромен кездесу ұйымдастырылды.
Шара барысында Америкалық қонақтар Назарбаев зияткерлік мектебінің оқушылары және Шәкәрім атындағы университеттің студенттермен ағылшын тілінде еркін пікір алмасып, Қазақстан мен Америка елдерінің қалалары, білім саласы жайында және қазақтың ұлттық тағамдары туралы сөз қозғалды. Б.Хайли, Н.Кавеллеро бір сәт өздерінің балалық шақтарына шолу жасай келе, сүйікті істері спорт екендіктерін атап көрсетті. Кездесу соңында естелік ретінде топпен суретке түсіп, Хайли мен Кавеллеро маусым айында тағы да Курчатов қаласына іссапармен келетіндіктерін айта келе, арнайы түрде Семейге ат басын бұрып, кітапхана оқырмандарымен жүздесуге сөз берді.