Орманды өрттен сақтайық: колледждер слеті
2014 жылдың 18 сәуірінде Абай атындағы кітапхана қызметкерлері «Саябақтар шеруі-2014» халықаралық қозғалысы аясында өткен «Орманды өрттен сақтайық» атты колледждер слетіне қатысып қайтты.
Жыл сайын өткізіліп тұратын слеттің мақсаты- жастарды қоғамда болып тұратын келеңсіздіктерден бойын аулақ ұстауға, салауатты өмір салтын ұстануға бағыттау. 8 командаға бөлініп ойынға қатысқан колледж студенттері орман ішіне барлау жасап, өрт қаупі бола қалған жағдайда қандай әрекет жасау керек, алғашқы медициналық көмек көрсете алу т.б. шараларына қатысып өздерінің ептіліктерін байқатты. Кітапхана қызметкерлері «Экологиялық лото» ойынын ойнатты. Әр командаға экологиялық тапсырмалар беріліп, сөздерден табиғат туралы мақал-мәтелдер құрастырып, жер бетіндегі қоқыстардың зияндылығы туралы логикалық жауаптарымен білімдерін толықтырды. Ұйымдастырылған шара жастарды туған жерді құрметтеуге бейімдейтін бағытымен айқындалды.