Кітап қоры ғылыми басылымдармен толықты

  • 30.04.2014

2014 жылдың 30 сәуірінде Бүкіләлемдік кітап және авторлық құқық күні мерекесіне орай кітапханамыздың өлкетану қоры тағы да ерекше құнды дүниелермен толықты.

32Абайдың мемлекеттік тарихи-мәдени және әдеби-мемориалдық қорық-мұражайы қолжазбалар қорынан жинақталған бірнеше басылымдарын Шығыс Қазақстан облыстық Абай атындағы әмбебап кітапханаға сыйға тартты.

«Абай туралы естеліктер», «Мұтылғанның тағдыры», «Қазақ айнасы», «Абай мұражайы қызметкерлерінің ғылыми-зерттеу» кітаптарында мұражайдың абайтану, шәкәрімтану, музейтану және алаштану мәселелеріне байланысты ғылыми-зерттеу мақалалары жинақталған.

31

Сондай-ақ «Мұхтар Әуезовтің мұражай-үйі», «Алаш арыстары – Мұхтар Әуезов мұражайы», «Абайдың мемлекеттік тарихи-мәдени және әдеби-мемориалдық қорық-мұражайы» кітапшаларында мұражай бөлімдері, экспонаттары, экспозициялық көрмелері туралы қызықты мәліметтер берілген. Бұл басылымдар зерттеушілер мен әдебиеттанушыларға, мұғалімдер мен қалың оқырманға арналған.