Мемлекеттік рәміздер –егемендік пен тәуелсіздіктің жарқын бейнесі: дәріс сағаты
Абай атындағы кітапханада 3 маусым 2014 жылы Қазақстан Республикасының Мемлекеттік рәміздері күніне орайластырып «Мемлекеттік рәміздер –егемендік пен тәуелсіздіктің жарқын бейнесі» тақырыбында дәріс сағаты өткізілді.
Кітапхана қызметкерлері егемендік алғаннан кейінгі еліміздің мемлекеттік рәміздерінің қабылдануы тарихына тоқталып, Қазақстан Республикасының рәміздері қандай заңдармен қадағаланатын туралы мағлұматтар берді. «Қазақстан Республикасының Мемлекеттік рәміздері күні» тақырыбында кітап көрмесі ұйымдастырылып, шолу жүргізілді. Шара соңында Қазақстан Республикасының рәміздеріне байланысты арнайы дайындалған викториналық сұрақтар беріліп, оқушылардың алған білімдері нақтыланды.