Компьютер негіздерін меңгеру: тренинг

  • 27.06.2014

Шығыс Қазақстан облыстық Абай атындағы әмбебап кітапханасының Интернет орталығында 2014 жылғы 18-27 маусым аралығында компьютер негіздерін меңгеру бойынша екі тренинг өткізілді.

Өткізілген күні: 18-27 маусым 2014 жыл. Өткізілген орны: Интернет орталығы. Қатысушылар: мүмкіндіктері шектеулі адамдар. Шараның мақсаты: компьютер негіздерін оқыту. Күтілетін нәтиже: мүгедектерді әлеуметтік ортаға баулу, қоғам өміріне қатысу деңгейінің дамуына ықпал ету.

27

Шығыс Қазақстан облыстық Абай атындағы әмбебап кітапханасының Интернет орталығында 2014 жылғы 18-27 маусым аралығында компьютер негіздерін меңгеру бойынша екі тренинг өткізілді. Тәңертеңгі тренингке қашықтағы балалары және немерелерімен байланыса алатындай білім алу үшін 4 мүгедек зейнеткерлер қатысты. Түскі тренинг «Компьютерлік сауаттылық» жобасы аясында 3 мүмкіндігі шектеулі жанға жұмысқа керекті кәсіби қасиеттерін дамытуға көмектесу үшін өткізілді.

27a

Тренингте қатысушылар компьютер негізін меңгеріп: мәтінмен, суретпен жұмыс жүргізу, құжаттарды кәсіби жасау жұмысымен және Windows операциялық жүйесінің қосымшаларымен танысты. Зейнеткерлердің тренингтен алған білімдерін нақтылау мақсатында тапсырмалар берілді, ал екінші топтың жас қатысушыларына тест жүргізілді. Қатысушылар денсаулығының кейбір қиыншылықтарына қарамастан тренинг қорытындысы бойынша алған білімдерін жақсы көрсете алды.