Жүктеп алыңыз да, бірден оқыңыз!: акция

  • 03.07.2014

2014 жылдың шілде айының 3-4 жұлдызы аралығында Абай кітапханасы қала тұрғындарына арнап, «Оқитын Семей» акциясы аясында «Жүктеп алыңыз да, бірден оқыңыз!» атты QR-кодты кітап сөресі жобасын жұртшылық назарына ұсынды.

q1

Аталмыш жоба ШҚО Абай атындағы әмбебап кітапханасы және «Нұр Отан партиясы саяси менеджмент мектебінің Шығыс Қазақстан аймақтық филиалының» қолдауымен жүзеге асуда. Іс-шара барысы пайдаланушыларға ғаламтор желілері, QR-кодтар туралы және ұялы байланыстар жайында сауалдар қоюмен кіріктірілді. Кітапхана қызметкерлері шараға қатысушыларды осы акцияға жұмылдыра отырып, шеберлік сабақтарын өткізді. “QR-code reader” бағдарламалары орнатылған ұялы телефондар және планшет тұтынушылары кітапхана ұсынған «QR-кітап сөресіндегі» кодтарды қарай отырып, өз қалаулары бойынша іс-тәжірибе жасады. Нәтижесінде оқырмандардың көпшілігі А.Құнанбаевтың «Дүниеде сірә сендей маған жар жоқ», Ә.Нұршайықовтың «Махаббат қызық мол жылдар», М.Мақатаевтың «Өлендер», Қ.Жұмаділовтың «Тағдыр», А.Бушковтың «Чингисхан: неизвестная Азия», Ж.Аймауытовтың «Ақбілек», Стивен Кингтің «Колдун и кристалл», Даниэла Стилдің «По велению сердца», Аркадий және Борис Стругацкилердің «Трудно быть богом», Чингиз Абдуллаевтың «Атрибут власти», Александр Тамониковтың «Кровь за кровь» атты шығармаларына назарлары ауды.

q3

Акцияға қатысушы пайдаланушылар жаңа технологияның жоғары жетістігіне қуанып көздері жеткендігін айта отырып, заманауи тұрғыда көркем әдебиеттердің де келешекте көптеп сұранысқа ие болатындықтарына сенім білдіріп, кітапхананың жаңа бағыттағы жұмыстарына табыс тіледі. Ұйымдастырылған «QR-кодты кітап сөресі» жобасы өз оқырмандары үшін әлі де жалғасын таба бермек.