«Бірінші курс студенттері, Сіздер үшін!» көрме-экскурсия

2014 жылдың 3- ші қыркүйегінде Абай атындағы кітапхана қызметкерлері қаламыздың «Семей» және Семей заң колледждерінің 1-ші курс студенттерін кітапханамен таныстыру мақсатында танымдық экскурсия және жаңа студентер атанған жастарға арнап, «Бірінші курс студенттері, Сіздер үшін!» атты кең көлемді кітап көрмесін ұйымдастырды.

Кітапхана бөлімдері және тарихымен танысқаннан кейін студенттер Абайдың рухани орталығында болып, ақынның мұрасымен, әлем тілдеріндегі шығармалары туралы мәліметтер алды. Танымдық экскурсияның екінші бөлімінде студенттер өздеріне арналған «Бірінші курс студенттері, Сіздер үшін!» атты кітап көрмесіндегі негізгі және қосалқы пән әдебиеттерімен, сөздіктер, анықтамалықтармен, электрондық оқулықтармен танысты. Шара барысында кітапхана қызметкерлері жаңа оқырмандарды әдебиеттерді дәстүрлі іздеу  жүйесімен  таныстыра отырып, электронды каталогтармен жұмыс істеудң жолдарыні  үйретті. Шара соңында кітапханамызға 52 жаңа оқырман жазылды.