Еркін тақырып: фотосессия
2014 жылдың 29 қыркүйегінде Абай атындағы кітапхана мүмкіндігі шектеулі азаматтарға арналған «Объектив» фото-бейне клубының аясында көшпелі фотосессия ұйымдастырды.
Клуб мүшелері қаладағы орталық саябақ пен орталық алаңға барып, еркін тақырыпта фотосуреттер жасауды ұсынды. Қатысушылар саябақтағы демалушыларды, алаңдағы су бұрқағын, әкімшілік ғимаратын, Шәкәрім ескерткішін және Семей қаласындағы Совет үкіметі үшін күрескен азаматтарға арналған ескерткішті суретке түсірді. Кітапхана қызметкерлері мүмкіндігі шектеулі жандарға бұл ескерткіштердің тарихына байланысты қысқаша шолу жасады.