Сәкеннің сыршыл әлемі (С.Сейфуллиннің туғанына 120 жыл толуына орай): поэзия кеші

  • 29.10.2014

2014 жылдың 29 қазанында Абай атындағы кітапхана қызметкерлері қазақтың атақты ақыны, жалынды жазушысы, дарынды драматург, білікті ұстаз, мемлекеттік қайраткері, қазақ әдебиетінің негізін қалаушылардың бірі – Сәкен Сейфуллиннің туғанына 120 жыл толуына орай «Сәкенің сыршыл әлемі» тақырыбында поэзия кешін ұйымдастырды.

30

Кеш шымылдығын осы кітапхана қызметкері Құсмілия Жырғалыұлы ақынның өмірі мен шығармашылығы жайында әңгімелеп, ақынның Үрджар өңірінде сегіз ай тұрғаны, ел мүддесіне қызмет көрсеткені туралы деректерді көпшілік қауымға аса тартымды жеткізді. «Поэзия бұлағы» жас ақындар клубының мүшелері Исмайыл Ұлжалғас, Алтынбекқызы Ардақ ақынның «Көкшетау», «Ақсақ киік» поэмаларынан үзінді оқыса, №23 мектептің 6 «А» сынып оқушысы Женісов Нұрсұлтан «Сағыну» өлеңін мәнеріне салып жатқа айтты. Шара кітап көрмесі және слайд көрсетілімімен жалғасын тапты.

31

Шараның жоғары деңгейде өтуіне ат салысқан балаларға кітапхана әкімшілігі тарапынан алғыс хат табысталды. Кешті тамашалаған геодезия және картография колледжінің студенттері мен оқытушысы Ердешова Әсем Кенжебекқызы кітапханашыларға зор алғысын білдірді. Кеш шымылдығы «Алаш ұраны» әнімен жабылды. Шараға БАҚ өкілденрінен «Қазақстан – Семей» телеарнасы қатысып, оқырмандардан сұхбат алды.