Ел есінде ер болса, өлмес мәңгі ерлігі: кітап көрмесі.
Шығыс Қазақстан облыстық Абай атындағы әмбебап кітапханасында 2013 жылдың 2 мамырында көпшілік оқырмандар үшін «Ел есінде ер болса, өлмес мәңгі ерлігі» атты Ұлы Жеңістің 68 жылдық мерейтойына орай кітап көрмесі ұйымдастырылды.
Өткізілген күні: 2 мамыр 2013. Өткізілген орны: Абай атындағы әмбебап кітапхананың оқырмандарға қызмет көрсету бөлімі. Қатысушылар: қаламыздағы пайдаланушылар мен студенттер. Қатысушылар саны: 17. Мақсаты: пайдаланушылардың Отанын сүюге, оны қорғауға баулу, патриоттық тәрбие беру. Күтілетін нәтиже: Оқырмандардың Ұлы Отан Соғысы батырларының есімін жете танып-білуін және кітапхана қорында сақталған жеңіс, соғыс туралы басылымдармен терең танысуын қамтамасыз ету.
Шығыс Қазақстан облыстық Абай атындағы әмбебап кітапханасында 2013 жылдың 2 мамырында көпшілік оқырмандар үшін «Ел есінде ер болса, өлмес мәңгі ерлігі» атты Ұлы Жеңістің 68 жылдық мерейтойына орай кітап көрмесі ұйымдастырылды. Кітап көрмесінде кітаптар екі тілде қойылды. Ұлы Отан соғысының аяқталғанына 68 жыл. 9 мамыр 1945 жыл адамзат тарихында мәңгілікке жазылған Ұлы Күн. Бұл шара есте қалар ерліктерін, ер-жүректіліктерін, батылдықтарын, халықтардың бостандықтарын насихаттауға арналған. Көрмеде соғыс жылдарынан тарихи естеліктермен мағлұмат, Ұлы Отан соғысы қатысушыларының фотоқұжаттары, атап айтқанда: Қ.Аманжоловтың «Шайқаста шыңдалған достық», Е.Елонның «Жеңіс жолында от кешкендер», Б.Момышұылының «Ұшқан ұя», «Москва үшін шайқас», «Қазақстандық Кеңес Одағының батырлары», «Аты аңызға айналған», Ә.Нұршайықов «Боздақтар», М.Дінішев «Сталинградты қорғаған қазақтар», Б. Момышулы «Правда о войне», Г.А. Куманаев «1941-1945 краткая история, документы, фотографии» т.б. кітаптар, газет бетіндегі мақалалар қойылды. Пайдаланушылардың назарын аударған Е.Елонның «Жеңіс жолында от кешкендер» кітабы Ұлы Отан соғысына қатысқан шығыс қазақстандықтардың ерілігі жайлы, ал М.Дінішевтің «Сталинградты қорғаған қазақтар», ұлттар мен халықтардың қаһарлы соғыс жылдарындағы достығы туралы. Ұйымдастырылған кітап көрмесі Ұлы Отан соғысына қатысып, қиян-кескі ұрысты бастарынан өткерген майдангер-ардагерлердің көрсеткен теңдесі жоқ ерлігі мен қажыр-қайратын, бірлігін үлгі ету мақсатындағы шара пайдаланушылардың үлкен қызығушылығын танытты. Кітап көрмесінде 25 кітап, 10 мерзімді басылымдар ұсынылды.