Театр өнерінің жауһарлары: көрме-шолу
Абай атындағы әмбебап кітапханасының өнер бөлімінде 2015 жылдың 08 қаңтары күні ұйымдастырылған «Театр өнерінің жауһарлары» көрме шолу Жандарбеков Құрманбек пен Қанабек Байсейтовтің туғанына 110 жыл толуына арналған.
Іс-шара барысында бөлім қызметкерлері педагогикалық колледжінің студенттеріне көрмеге қойылған кітаптар мен мерзімді басылымдардағы мәліметтерден шолу жасап өтті.
Жиырмасыншы ғасырдың басында тарих сахнасына шыққан профессионалдық қазақ театрында көптеген жарық жұлдыздар бар, солардың бірегейлері әнші-актер, режиссер, драматург, Қазақ музыка театрының негізін салушы Қанабек Байсейітов пен
табиғи дарындылығы мен өлшеусіз еңбегінің арқасында аты аңызға айналған саф алтындай өнер иесі Қазақстанның халық әртісі Құрманбек Жандарбековтың өмірі мен өнері келер ұрпаққа үлгі-өнеге.
Өнер иелерінің шығармашылығы мен ол адамдар жайындағы естеліктерден үзінділер оқылды. Көрмені арнайы жасалған буклеттер мен фотосуреттер толықтырды. Көрме қаңтар айының соңына дейін жалғасын таппақ.