Зейнеткерлер компьютер негіздерін меңгерді
Шығыс Қазақстан облыстық Абай атындағы әмбебап кітапханасының Интернет орталығында 2015 жылғы 19-23 қаңтар аралығында «Компьютер негіздерін меңгеру» атты тренинг өткізілді.
Шараға 4 зейнеткер қатысты. Шараның мақсаты: компьютер негіздерін оқыту. Күтілетін нәтиже: зейнеткерлерді ақпараттық ортаға баулу, қоғам өміріне қатысу деңгейінің дамуына ықпал ету. Қатысушылар тренингте компьютер негізін меңгеріп: мәтінмен, суретпен жұмыс жүргізу, құжаттарды жасау жұмысымен және Windows операциялық жүйесінің қосымшаларымен танысты. Зейнеткерлердің тренингтен алған білімдерін нақтылау мақсатында тест жүргізілді. Қатысушылар денсаулығының кейбір қиыншылықтарына қарамастан тест қорытындысы бойынша алған білімдерін жақсы көрсете алды.