2015 жылдың атаулы күндері: оқиғалар, есімдер

  • 23.01.2015

23 қаңтар күні Шығыс Қазақстан облыстық Абай атындағы әмбебап кітапханасында «2015 жылдың атаулы күндері: оқиғалар, есімдер» атты тақырыпта қаладағы мектеп кітапханашыларымен ақпарат күні өткізілді.

Шарада 2015 жылдың жергілікті мерейгер тұлғалары және аталатын тарихи оқиғалары туралы мазмұнды видео-шолу ұсынылды.

26

Шолу барысында өлкетанушы Әзімхан Сәдуақасұлының 85 жылдық мерейтойына орай «Туған жердің тарихы мен жетістіктері» жобасы аясында кітапхана қызметкерлері түсірген бейнежазба, әнші, сазгер Кентау Назарбектің туғанына 50 жыл толуына орай сазгердің «Семейім» әнінің видео-клипі көрсетілді. Сондай-ақ, республикаға танымал сазгер Теміржан Базарбаевтың 80 жылдық мерейтойына орай «Ауылым» әнінің аудионұсқасы тыңдалды.
Кітапхананың www.semeylib.kz сайтының жаңадан ашылған «Абай–170» айдарынан орын алған «Әлемдік ойдың алыбы» виртуалдық көрмесімен таныстырылды.

26a

Шара тыңдаушыларына ұсынылған мазмұнды кеңестен кейін, «Біздің Абай» электрондық кітапханасына қызығушылық танытқан 2 кітапханашы тіркелді. Соңында «Біздің құралдарымыз – сіздерге көмекші құрал» тақырыбында әріптестерімізбен мониторинг жүргізілді. Мектеп кітапханашылары 2015 жылғы атаулы күндерге байланысты әріптестік тығыз қарым-қатынаста жұмыстар жүргізуге өз ұсыныстарын білдірді.