Бақытты балалардың кітап апталығы: суретті кітап көрмесі

  • 13.05.2013

2013 жылдың 13 мамырында Шығыс Қазақстан облыстық Абай атындағы әмбебап кітапханасы 7-13 мамыр аралығында АҚШ-та болатын балалардың кітап апталығына арнап суретті кітап көрмесін ұйымдастырды.

Өткізілген күні: 13 мамыр 2013 жыл. Өткізілген орны: Орталық саябақ және «Қуаныш» балабақшасы. Қатысушылар: Орталық саябақ демалушылары, балалар. Қатысушылар саны: 40. Мақсаты: шетел әдебиеттер бөліміндегі ағылшын тіліндегі балаларға арналған кітаптарды таныстыру, олардың кітапқа және білімге деген қызығушылығын арттыру. Күтілетін нәтиже: Балалардың ағылшын және басқа тілдердегі кітаптарымен таныса отырып, ертегілерді жете білулері. Осы арқылы білімге деген қызығушылықтарының артуы.

12

2013 жылдың 13 мамырында Шығыс Қазақстан облыстық Абай атындағы әмбебап кітапханасы 7-13 мамыр аралығында АҚШ-та болатын балалардың кітап апталығына арнап суретті кітап көрмесін ұйымдастырды. Бала еліміздің болашағы, баланы тәрбиелеу, білім беру, бақытты ету әр ата-ананың және мемлекеттің міндеті. Қазіргі кезде елімізде балабақшалар, мектептер салынып, балалардың білімді және тәрбиелі, бақытты болуына барлық жағдайлар жасалған. Білім, денсаулық және мәдениет саласындағы мамандардың еңбектерін ерекше айта кетуге болады. Бірақ қазіргі кезде балалар бала психологиясына кері әсер ететін компьютерлік ойындарды ойнайды. Осының алдын алу үшін, балалардың кітапқа, білімге, оқуға деген ынтасын арттыру мақсатында әртүрлі қызықты және пайдалы ағылшын тіліндегі кітаптар көрмеге қойылды.

12a

Баланы Отансүйгіштікке, табиғатты аялауға, үлкендерді құрметтеуге, адамгершілікке тәрбиелеу мақсатында ертегілердің үзінділері оқылып, білген бала ертегіні жалғастырды. Балалар белсенділік танытты. Мультфильмдегі кейіпкерлердің суреттері қойылды (ат, қасқыр, қоян, ит, түлкі, пингвин, балық, жолбарыс, арыстан, аю, құстар, мысық ,тышқан және т.б), балалар өздері білетін ертегілерді айтты. Көрме ағылшын, орыс және қазақ тілдерінде болды. Көрмеде балаларға арналған ағылшын тіліндегі кітаптар (15 кітап), мультфильм кейіпкерлерінің суреттері (20 сурет) қойылды.