Ғабит Мүсіреповтің «Қазақ солдаты» романы: оқырмандар конференциясы

Ақпан айының 25 жұлдызынында кітапхана қызметкерлері Шәкәрім атындағы СМУ оқытушысы Мұхит Токенұлы Абикеновпен бірігіп, Ғабит Мүсіреповтің «Қазақ солдаты» романы бойынша оқырмандар конференциясын ұйымдастырды.

Шараға Шәкәрім атындағы СМУ филология факультетінің студенттерімен Назарбаев Зияткерлік мектебінің оқушылары қатысты. Конференция барысында Абикенов М.Т. Ғабит Мүсіреповтің өмірі мен шығармашылығына қысқаша тоқталып өтті. Шараға Мұқан Төлебаев атындағы саз коледжінің студенттері «Қазақ солдаты» романынан үзінді оқып, басты кейіпкерлер: Қайрош, Шеген, Бораш образын сомдап көрініс көрсетті. Шәкәрім атындағы СМУ филология факультетінің 211 тобының студенттері А.Закариянова, А.Мұхтарова, Г.Алпысбековлар өз ойларын ортаға салып, пікіралысты. Шара барысында «Қазақ солдаты романы» тақырыбында кітап көрмесі ұйымдастырылып, слайд көрсетілімі ұсынылды.