Кітапханаға тарту
«Абай атындағы әмбебап кітапхана қоры – осы дала абызы мұраларымен толыға берсін» деген қолтаңбамен Шәкір Әбеновтің інісі Көлембай Әлімбеков «Шәкір Әбенов: Әнім мен күйім – халқыма сыйым» атты құрастырып әзірлеген кітабын сыйға тартты.
Биыл 115 жылдығы аталып өтілгелі отырған халық ақыны Шәкір Әбеновтің өмірі мен шығармашылық мұралары жарық көргенмен, соңына қалдырған ән, күй, сарын, толғау-термелері арнайы нотасымен толық қамтылып шығарылған бұл кітап кітапхананың өлкетану қорын толықтырған бірден-бір құнды басылым болды. Кітапханамыздың тұрақты оқырманы Көлембай ағаға алғысымызды білдіре отырып, шығармашылық табыс тіледік.