Семей Ұлы Отан соғысы жылдарында (1941-1945): виртуалды кітап көрмесінің тұсаукесері

2015 жылдың 8- сәуірі күні біздің кітапханада Ұлы Жеңістің 70 жылдығына орай «Семей Ұлы Отан соғысы жылдарында» атты виртуалды кітап көрмесінің тұсаукесері өткізіліп, ғаламтор пайдаланушыларына жол тартты.

Көрмені жасақтаудағы мақсат: пайдаланушылар назарына онлайн түрінде Ұлы Отан соғысы жылдарындағы Семейдің тарихын, семейліктердің Жеңіске қосқан үлесін, семейлік Ұлы Отан соғысының Батырлары туралы мәліметтерді, фотоматериалдарды сандық форматтағы, толық мәтінді басылымдар арқылы ұсыну.

     Виртуалды кітап көрмесі 4 бөлімнен тұрады: «Семейде құрылған дивизиялар», «Тыл еңбеккерлері майдан үшін», «Семейлік Кеңес Одағының Батырлар», «Семейлік майдангер-жазушылар».

Пайдаланушылар 1941 жылы Семей қаласында жасақталған екі дивизия: 8-ші және 238–ші атқыштар дивизиялары, олардың майдан даласындағы жанқиярлық ерліктері; тыл еңбеккерлерінің табандылықтары, соғыс кезінде Семейге эвакуацияланған әскери госпитальдар туралы, семейлік 53 Ұлы Отан соғысының Батырлары олардың соғыстағы жасаған ерліктері және Ұлы Отан соғысына қатысып, ерліктің сан үлгісін көрсеткен жерлестеріміз: Әзілхан Нұршайықов, Әди Шәріпов, Дмитрий Черепанов, Семен Анисимов, Камен Оразалин, Сәду Машақов т.б. майдангер-жазушылардың өмірі мен шығармашылығы жайлы онлайн түрінде таныса алады.

Аталмыш виртуалды кітап көрмесі Отан үшін мерт болған қаһармандардың ерлік рухына, соғысты тұншықтырып, ұрпағына бақыт әкелген ардагерлерімізге бас иіп, тағзым етіп, аға ұрпақтың Ұлы ерлігін мәңгілікке жадымызда сақтауға арналып отыр.