Шертпе күйдің шебері: ретро-шолу

Абай атындағы әмбебап кітапханасының өнер бөлімінде «Үкілі домбыра» үйірмесінің аясында 2015 жылдың 30 сәуір күні Тәттімбет Қазанғапұлының 200 жылдық мерейтойына орай «Шертпе күйдің шебері» тақырыбында ретро-шолу өткізілді.

Іс-шара барысында бөлім қызметкерлері М.О.Әуезов педагогикалық колледжінің студенттеріне күй жанрында өзгеге ұқсамайтын өзіндік қолтаңбасы, орындаушылық дәстүрі бар ұлы күйші Тәттімбет Қазанғапұлының қазақ музыка мәдениетінің тарихында күй мұрасын халық шығармашылығының биік шыңына шығуына өзіндік үлес қосқаны жайында маңызды ақпараттар берді.

Тәттімбет Қазанғапұлы – қазақ халқының аспапты музыкасында қоңыр күйлердің дәстүрлерін қалыптастырып, тұтас бір мектептің орнығуына мұрындық болған ұлы күйші.

Күйшінің шығарған 40-тан асқан күйлері «Сарыөзен», «Шайып қалды», «Қосбасар, «Сылқылдақ», «Жетім қыз», «Былқылдақ», «Сарыжайлау», «Азамат», «Бозайғыр», «Азына » т.б. қазақ мәдениетінің бір үлкен бөлшегі. Сондықтан да ол халық жүрегіне берік орнап, сұлулықтың, ізгі дүниенің бір мұрасы болып қалады. Тәттімбет күйлеріндегі лирикадық сарындар, әуен толқындары қазақтың кең даласы мен оның сұлу табиғатын суреттейді.

Шолу барысында күйші өмірдің мәні мен сәні туралы, бүгін мен болашақтың қамы туралы толғандыратын «Косбасар», «Саржайляу», «Сары өзен», «Теріс акпай», «Былкылдақ», «Боз айғыр», «Балбырауын», «Қара жорга», «Көкіл» т.б. күйлері жайында қызықты мәліметтер келтіріліп, осы күйлер электронды қазақ үйден тыңдалды. Осындай дарын иесінің еңбектері ескеріліп, келер ұрпаққа кеңінен насихатталса ұлы композитордың артына қалдырған мол мұрасы да, оны жеткізген шәкірттерінің үлесі де ұрпақтар жүрегінен өшпек емес.