Жеңістің 70 жылдығына 70 шығарма оқу: акцияның қортындылары

5 мамыр күні кітапхана пайдаланушылары арасында 2015 жылдың 8 қаңтарында жарияланған «Жеңістің 70 жылдығына 70 шығарма оқу» акциясының қорытындысы шығарылды.

Акцияның мақсаты жастарды Ұлы Отан Соғысы туралы әдебиеттерді оқуға шақыру, олардың бойында патриоттық сезімді тәрбиелеу және азаматтық белсенділікті арттыру болып табылады. № 26 жалпы білім беретін мектеп оқытушысы Сүлейменов Олжас Мақсатұлы осы акцияның ең белсенді мүшесі болды. Акцияның бірінші күнінен бастап Олжас Мақсатұлы кітапхана қорындағы кітаптармен танысып, сонымен қатар сурет сабағында мектеп оқушыларына соғыс жылдарындағы шығармаларды ұсынды. Олардың ішінде: Қ.Қазыбаев, Ж.Әлиханұлы, Рахымжан Қошқарбаев, Қ.Қайсеновтың «Ағалар туралы аңыз», А.Бек. «Арпалыс», Қ.Қайсенов. «Жау тылында»; Ш.Сыздықова. «Мәншүктің өшпес ерлігі». Оқушылар оқылған көркем шығармалар бойынша суреттер салды. Ұлы Жеңістің 70-жылдығы қарсаңында кітапхана қызметкерлері Сүлейменов Олжас Мақсатұлымен бірлесіп «Ер есімі – ел есінде» атты көркем-әдеби көрме ұйымдастырды. Акция соңында Олжас Мақсатұлы кітапхана әкімшілігінің алғыс хатымен марапатталды.