Орманды өрттен сақтайық: ақпараттық сағат

  • 13.05.2015

2015 жылдың 13 мамырында Абай атындағы кітапхана қызметкерлері «Төтенше жағдайлар» басқармасы, «Семей орманы» мемлекеттік табиғи орман резерваты мекемелерінің мамандарымен бірлесіп «Орманды өрттен сақтайық» атты ақпарат сағатын өткізді.

14

Шара «Саябақ шеруі» халықаралық акциясы аясында өткізілді. Қатысушылар «Авиценна» колледжінің студенттері мен жас құтқарушылар мектебінің оқушылары. Өрт сөндірушілер орталығының музей мекемесінің қызметкері Н.Рыкова, «Семей орманы» маманы Ш.Жылқыбаева, кітапхана қызметкері С.Титова байлық пен халық игілігінің көзі болып табылатын орманның маңызы, ондағы өрт шығудың себептері, өрттің түрлері және ондай жағдайда не істеу керектігін өмірде болған жағдайлардан мысал келтіре отырып, слайд көрсетілімі арқылы мазмұнды ақпараттарын ұсынды. Қатысушылар «Орманды өрттен сақтаудың қауіпсіздік ережелері» атты фильмді тамашалап, «Табиғатты аяла, болашақты сақта» атты кітап көрмесіне назар аударды. Жас өрендерге мұндай пайдалы шараның саналы ой салары сөзсіз.