Шығыс Қазақстанның табиғи аймақтары: танымдық фильм

  • 04.06.2015

Абай атындағы кітапхана қызметкерлері оқушылардың жазғы демалысын тиімді өткізу мақсатында түрлі тақырыптарға арналған тақырыптық шаралар өткізуді бастап кетті.

2015 жылдың 4 маусымында № 6 мектеп-гимназия жанындағы күндізгі лагерьде тынығып жүрген оқушылар үшін «Шығыс Қазақстанның табиғи аймақтары» атты танымдық шара өткізілді. Халықаралық «Саябақ шеруі» акциясы аясында жүргізілген шарада кішкентай бүлдіршіндерге табиғатты аялау, қорғау, сақтау жайында әңгіме-сұхбат өткізіліп, фильм көрсетілді.

9

Балалар Қазақстанның Қызыл кітабына енгізілген сирек және жойылып бара жатқан түрлердің тізіміне енгізілген жануарлар мен өсімдіктер туралы ақпараттармен танысты. Соңынан жеткіншектер кітапханашының қойған сұрағына жауап беріп, туған жер байлықтары туралы алған білімдерін ортаға салды.