Мүмкіндігі шектеулі балаларға экскурсия
2015 жылдың 11 маусымында арбаға танылған мүмкіндігі шектеулі жандарға арналған кітапхана ғимараты бойынша саяхат ұйымдастырылды.
Кітапханада арбаға танылған жандарды баспалдақ арқылы көтеріп-түсіретін құрылғы пайда болғаннан бастап, кез келген азамат оқу залы мен өнер бөліміне, оқырмандарға қызмет көрсету бөлімі мен Интернет орталығына, сонымен қатар үшінші қабатта орналасқа «Абайдың рухани орталығына» бару мүмкіндігіне ие болды.
Экскурсияға қатысушылар Интернет орталығына ерекше назар аударды. Себебі мүмкіндігі шектеулі азаматтарды Орталықта ұйымдастырылатын «Сауатты пайдаланушы» тегін тренингтері қызықтырды. Абайдың рухани орталығында Ұлы Абайдың 170-жылдығына арналған кітапхана қорындағы сирек басылымдардан әзірленген көрмеге шолу жасалып, қатысушылар назарына Қазақ Хандығының 550-жылдығына орай ұйымдастырылған кітап көрмесі ұсынылды.