АҚШ рәміздері- Symbols of the USA : ақпараттық сағат
2015 жылы 18 маусымда кітапханада «АҚШ рәміздері – Symbols of the USA» атты ақпараттық сағат ұйымдастырылды.
Аталмыш ақпараттық сағатқа кітапхана пайдаланушылары қатысты. Әр елдің өз мемлекеттік рәміздері мен атап өту күндері бар. АҚШ рәміздер күні осы күнмен тұспа – тұс келеді. Бұл күні америка халқы жер-жерлерде мемлекеттік рәміздері туралы пікір алмасып,іс-шаралар өткізеді. АҚШ рәміздеріне атап айтқанда мыналар жатады: әнұран, ту, елтаңба, үлкен мөр, бостандық монументі, роза гүлі, “Mount Rushmore” монументі, Ата Сэм және ақбасты бүркіт. Бұлардың әрқайсысының өмірде, қолданыста ерекше орны бар. Аталмыш рәміздер – Америка елінің тарихынан, салт- дәстүрінен сыр шертетін көненің көзі десе де болады. Іс-шараға қатысушылар жалпы ақпаратты ала отырып, өздерінің тіл деңгейлерін тексеру мақсатында пайдаланушылар арасында ағылшын тілінде диалог өткізді. Диалог АҚШ рәміздері төңірегінде болды. Олар басқа рәміздерге тоқтала отырып, әсіресе Америка туының тарихына терең үңіліп, тудағы жолақтар мен жұлдызшалардың не мағына беретіндігіне ерекше мән берді. Пайдаланушылардың өзара ағылшын тіліндегі әдемі әңгемілерінің тақырыбы АҚШ рәміздері барлығына дерлік ұнады. «Бұндай ұйымдастырылған іс-шаралар ағылшын тіліндегі деңгейімізді тексеруге үлкен көмек», – дейді қатысушылар. Іс-шараға қатысушылар тағы да осындай ақпаратты сағаттардың көптеп болуына ұсыныс-тілектерін білдірді.