Абай – кемел ақын, кемеңгер ойшыл: онлайн-семинар
2015 жылдың 30 маусымында Ұлы Абайдың 170 жылдық мерейтойына орай С.Сейфуллин атындағы Алматы облыстық әмбебап кітапханасының ұйымдастырумен Шығыс Қазақстан облыстық Абай атындағы әмбебап кітапханасымен бірлесіп өткізілген «Абай – кемел ақын, кемеңгер ойшыл» атты онлайн-семинары өтті.
Алматы облыстық кітапханасының сұранымымен өткен семинарға қатысушы аудандық кітапханашылардың назарына Абай атындағы кітапхана жүргізіп жатқан кең көлемді шаралар барысы хабардар етілді. «Абай нәр алған рухани құндылықтар» тақырыбында ақынды кітапханамен тығыз байланыстырған баға жетпес құнды сирек басылымдар туралы шолу тыңдаушыларды қатты қызықтырды. Кітапхана сайтындағы «Абай-170» айдары бойынша «Біздің Абай: электрондық кітапханасы», «Мультмедиялық ресурстар» мен «Абайтанушылармен бейне-сұхбат» бөлімдері, басқа да енгізілген өзекті ақпараттар ізденушілер мен ақын мұралары жайында білгісі келетіндерге көмекші құрал ретінде қолдануда маңызы зор екені айтылды. Семинарға қатысып отырған алматылық кітапханашылар берілген пайдалы ақпараттар үшін ризашылықтарын білдіріп, өз оқырмандарына ақын шығармашылығын насихаттауда жаңа бастамалармен аянбай еңбек ететіндіктерін жеткізді.