Бесқарағай інжуі-2015: сазды – экологиялық фестиваль

4-5 шілде күндері қоғамдық және мемлекеттік мекемелердің қолдауымен Шошқалы көлінің туристік базасында сазды –экологиялық имидждік іс-шара «Бесқарағай інжуі -2015» сазды –экологиялық фестивальі өтті.

Фестиваль 2015-2019 жж. Казақстан Республикасының мәдениет саясатының тұжырымдамасын іске асыру, сондай-ақ , Астана күні мерекесіне орай және ШҚО туристік кластерді қолдау мақсатында ұйымдастырылды. Аталмыш шараны ұйымдастырушылар: облыстық Абай атындағы әмбебап кітапханасы, Балалар мен жастар шығармашылығының «Исток» АҚ, ауылдың қоғамдық емес ұйымдары үшін «Бірлік» қор орталығы, «Семей орманы» ММ, Бесқарағай ауданы әкімияты мен білім бөлімі.

Фестиваль бағдарламасы экологиялық және музыкалық бөлімнен тұрды: бағдарлама аясында «Экомәселелердің картасын» құруда мыйға шабуыл ұйымдастырылып, «Тамақтандыру, азық-түлік өнімдерін шығару және салауатты өмір салты» атты іскерлік ойын өткізілді. Шараның соңғы бөлімін Абай атындағы кітапхананың жанынан ұйымдастырылған «Кілт» авторлық әндерді орындаушылар клубының мүшелері «Алаудың айналасында достармен» деп атап, авторлық әндерге арналды. Алаудың жанында таң атқанға дейін табиғат, махаббат, достық, туған жер туралы әндер шырқалса, журналист Шахворостова Людмиланың «Шошқалы» әні көлдің гиміні ретінде орындалды.

Шараға қоғамдық бірлестіктердің волонтерлары, колледж студенттері (Қалматаев атындағы медициналық, М.О.Әуезов атындағы педагогикалық ), Семей қаласының №28 жалпы білім беретін мектебінің, №6- мектеп гимназиясының, Бесқарағай ауданы мектептерінің жоғарғы сынып оқушылары қатысты.