Апамның ертегілері: танымды – сазды сағат

  • 22.07.2015

21 шілде күні Абай атындағы кітапхана қызметкерлері «Жазғы демалыс» бағдарламасы бойынша, ұрпақ тәрбиесінде ең тиімді тәрбие құралы ретінде қазақ ертегілерінің тәрбиелік мәні мен маңызы жайында қаладағы Жастар кешені жаздық лагерь демалушыларына «Әжемнің ертегілері» атты сазды сағат өткізді.

33

Шараға балаларға арналған ұлттық құндылықтарды заманауи тұрғыдан насихаттауда, қазақтың әдебиеті мен өнерінің жауһарлары топтастырылған музыкалық құрал «Электронды қазақ үй» пайдаланылды.

Жас ерекшеліктері әртүрлі басқа ұлт өкілдерімен топтастырылған бүлдіршіндер музыкалық құралды өз қалаулары бойынша қосып «Аяз би», «Жалқау мысық» т.б. ертегілерді тыңдап қызығушылық таныта отыра, осындай музыкалық киіз үйдің басқа да тілдерде шығарылса деген ұсыныстарын білдірді. Сонымен бірге кітапхана қызметкерлері қазақ ертегілерінің мазмұнын орыс тіліне аударып түсіндіріп берді.

22

Шара барысында электронды қазақ үйдің құрылысы, пайдалану тәртібі және т.б. мәліметтерге слайд-шоу көрсетіліп, «Әжемнің ертегілері» атты түрлі – түсті иллюстриативті кітаптармен, ойыншықтармен жасақталған кітап көрмесіне шолу жасалды.