Компьютер негіздерін меңгеру: тренинг
Шығыс Қазақстан облыстық Абай атындағы әмбебап кітапханасының Интернет орталығында 2015 жылғы 14-18 қыркүйек аралығында «Компьютер негіздерін меңгеру» атты тренинг өткізілді.
Шараға 4 пайдаланушы қатысты. Қатысушылар тренингте компьютер негізін меңгеріп: мәтінмен, суретпен жұмыс жүргізу, құжаттарды кәсіби жасау жұмысымен және Windows операциялық жүйесінің қосымшаларымен танысты. Қатысушылардың тренингтен алған білімдерін нақтылау мақсатында тест жүргізілді, бірақ кейбір техникалық қиыншылықтарына қарамастан алған білімдерін жақсы көрсете алды. Шараның мақсаты – компьютер негіздерін оқыту – орындалды. Нәтижесінде қатысушыларды әлеуметтік ортаға баулу, қоғам өміріне қатысу деңгейінің дамуына ықпал етуін күтеміз. Айжан Азгожина, кішкентай немересін өсіремін деп, бүгін жұмыссыз болып отыр. Енді тренингтің нәтижесінде Айжанның жұмыс тауып, әлеуметтік ортаға баулуын, қоғам өміріне қатысуын күтеміз және сәттілік тілейміз.