Кітапхананың сирек басылымдар көрмесі университетте
2015 жылдың 16-17 қыркүйегінде Абай атындағы кітапхана Өскемен қаласындағы С.Аманжолов атындағы Шығыс Қазақстан мемлекеттік университетінің ұйымдастыруымен хакім Абайдың 170 жылдық мерейтойына арналған «Абай мұрасы әлемдік руханият кеңістігінде» және «Қазақ хандығының 550 жылдығы» Халықаралық ғылыми-тәжірибелік конференцияларына «Ғасырлармен үндескен асыл қазына» -атты сирек басылымдар көрмесімен, «Абай тұлғасы сирек басылым беттерінде» тақырыбында баяндамамен қатысып қайтты.
Көрмеге Абай оқыған әдебиеттер әлемінен әлем әдебиетінің жауһарлары және кемеңгер тұлғаға қатысты сирек кездесетін өлкетану әдебиеттерінен 63 басылым көрмеге койылып, конференцияға қатысушы зиялы қауым, шетелдік қонақтар таныстырылып, шараға арнайы әзірленген қазақ-орыс-ағылшын тілдеріндегі кітапхана буклеттері мен сирек басылымдар топтамасынан сый-кәде открыткалар жинағы тарту етілді.
