Онлайн орталығы бұрышының ашылу салтанаты

11 қараша күні Абай атындағы кітапханада БҰҰ 70-жылдығына арналған онлайн орталығы бұрышың ашылу салтанаты БҰҰДБ ШҚО бойынша үйлестірушісі Ж.Ж. Жыбыраева мен Ішкі саясат бөлімінің басшысы А.С.Садырбаевтардың қатысуымен өтті.

Мәдени шараға КАЗГЮИУ-нің оқытушылары мен студенттері, М.Әуезов атындағы педагогикалық колледждің студенттері, кітапханашылар қатысты. Бұрыштың тұсау кесер рәсімін БҰҰДБ ШҚО бойынша үйлестірушісі Ж.Ж. Жыбыраева мен кітапхана директоры Г.Т.Жігітбаева кесіп, Ж.Ж. Жыбыраева Даму Бағдарламасының ШҚО бойынша атқарылған жұмыстары мен бағдарламалары туралы мәлметтер берді.

Онлайн орталығы бұрышында кітап көрмесі ұйымдастырылды. Көрмеге БҰҰ тарихы мен қызметін ашып көрсететін кітаптар, мерзімді басылымдар және БҰҰДБ-ның қолдауымен басылып шыққан 100-ден аса брошюралар, буклеттер, нормативтік құқықтық актілер, көмекші құралдар ұсынылған. Көрменің бір бөлімі ШҚО-дағы БҰҰДБ қолдауымен ашылған аймақттық онлайн орталықтарының суреттерін қамтыған. ШҚО бойынша 49- онлайн орталықтары жұмыс жасайды, оның ішінде 10 онлайн орталығы Семей қаласына қарасты Абралы, Борадулиха, Абай, Бесқарағай аудан орталықтары мен Ново-Шульба, Михаиличенко, Шульбинск, Кононерка, Малая Владимировка, Мұқыр ауылдарында орналастырылған. Шара барысында «Біріккен Ұлттар Ұйымына-70 жыл» тақырыбында слайд-фильм көрсетілді.