Электрондық кітапхана: шеберлік сыныбы
2015 жылдың 13 қарашасында Шығыс Қазақстан облыстық Абай атындағы әмбебап кітапхана қызметкерлері мен А.С. Пушкин атындағы Шығыс Қазақстан облыстық кітапханасының ақпараттық-библиографиялық қызмет орталығының жетекшісі Н.Б.Харламовамен шеберлік сыныбы өтті.
Ол электрондық кітапхана құрудың библиографиялық-әдістемелік жолдары және «Біздің Абай» электрондық кітапханасын қалыптастыруда жеткен жетістіктерінің қыр-сырымен бөлісті. Модератор қойылған сұрақтарға жауап бере отырып, ҚР-ның авторлық құқықтық заңнамасын сақтау туралы мәселеге де тоқталып өтті. Әріптестік қарым-қатынаста өлкетануға байланысты өткен тәжірибе алмасу екі жаққа да пайдалы болды.