Ұлтының тілін ұлықтаған: шығармашылық сағат

  • 17.11.2015

17 қарашада оқу залының ұйымдастырумен қаладағы «Авиценна» колледжі және М.Әуезов атындағы педагогикалық колледжінің білім алушыларына Ахмеди Ысқақовтың өмірі мен шығармашылығынан ақпараттар беретін іс-шара өткізілді.

Биылғы жылы тіл білімі маманы, филология ғылымының докторы, профессор Ахмеди Ысқақовтың туғанына – 105 жыл толып отыр. Осы орайда ұйымдастырылған «Ұлтының тілін ұлықтаған» шығармашылық сағатқа мерейтой иесінің ұрпақтары қатысып, өз ойларымен бөлісті. Оспанов Абухан Абдысейлұлы тыңдаушыларға аудармашының өмірі мен шығармашылық жолынандағы тың деректерден әңгіме жүргізіп, өз тараптарына жолданған сұрақтарға жауап берді.

20

Кітапхана оқырмандары автордың кітап қорындағы орысша-қазақша, қазақша-орысша және «Қазіргі қазақ тілі. Морфология» т.б. еңбектерін үлкен сұраныспен оқиды. Іс-шара слайдтық көрсетілім және кітап көрмесімен толықтырылды. «Әйгілі ғалым, ұлағатты ұстаз» атты кітап көрмесіне ғалымның кітап қорындағы еңбектері және туыстары тарапынан әкелінген отбасылық мұрағат құжаттары қойылып, кең ауқымды шолу жасалынды.