Ұлы ерліктің жыршысы: кітап көрмесі

  • 24.11.2015

24 қарашада Абай атындағы кітапханада кеңестік дәуірдің жазушысы, орыс халқының ақыны – Константин Симоновтың 100 жылдық мерейтойына байланысты «Ұлы ерліктің жыршысы» атты кітап көрмесін ұйымдастырылды. Константин Симонов- Ұлы Отан соғысына қатысқан кеңестік дәуірдегі орыстың танымал жазушысы, ақын, киносценарист, белгілі қоғам қайраткері.

24

К.Симоновтың «Мені күт», «Мені күт, мен ораламын» … т.б. өлеңдер жолын естімеген адам кемде кем шығар. Ақынның тамыры тереңде жатқан бұл өлеңін, сол замандағы әрбір жастағы адамдар жатқа айтып, көңілдеріне медеу тұтты. Бұл өлең жолдары Ұлы Отан соғысына қатысқан мыңдаған, миллиондаған адамдардың өз орталары мен отбасыларына қайтып оралуына жігер берді. Ақынның өзі алдыңғы тылда жаумен шайқаста жүріп, өлеңді өзінің сүйікті әйелі – актриса Валентина Сероваға арнаған. Тіпті 70 жылдың жүзі болса да, «Мені күт» өлеңі өзінің биік шоқтығымен ерекшеленеді.

Аталмыш кітап көрмесіне жазушының пьесалары, поэмалары, жол естеліктері, әдеби және әлеуметтік тақырыпқа жазылған мақалалары мен тезистері және т.б. мәлметтер қойылды.

Кітап көрмесі жастардың рухын биіктетіп, патриоттық сезімдерінің дамуына тәрбиелік тұрғыда әсерін тигізері сөзсіз.